لیکوال:محمدناصرحلیمي
حقپال او حقیقتپال د قرآن کریم بنسټ
د هغو حقپاله افکارو، شخصيتونو او سيستمونو ملاتړ وشي چې د وګړو او دولت، د نارینه او ښځمنو، د مشر او کشر، د حیوان او نبات د جسم، روح او عقل د حقونو د اداء ضمانت کوي، باید
حقپالنې ته تر هر څه ډېرې هلې ځلې او حقپالو ته تر هر چا ډېر درناوی وشي، چې د قرآن د جامع او هر اړخيز تطبيق مخه هواره شي.
د حقتلفۍ او حقتلفو په اړه بايد وړاندېزونه، نیوکې او شکایتونه
وشي، د حقتلفۍ عوامل، عاملین او علتونه رابرسېره او په تطبیقي بڼه يې د جبران لارې چارې د مکافات او مجازات په چوکاټ
کې وړاندې شي. د حقونو او وجائبو د اداء ترتیب او طریقې ایجاد د پيل و پاى ټکي و
ټاکل شي.
که موږ په قرآن کریم کې د
حق کلمه د سیاق او سباق د محتوی او منځپانګې په پامنیوي تر څېړنې لاندې ونیسو، نو
جوته به شي چې د حقایقو جوتول او د حق راښکاره کول، حق منل او حق حقدار ته سپارل، د
قرآن کریم اساسي لارښود، اساسي موخه او د قرآنپوهانو اساسي دنده ده. که څومره خوږه،
ښکلې او په زړه پورې لار وي، خو چې حق تروړنه پکې وي، باید د بطلان کرښه پرې راښکل
شي او له منځه ولاړه شي، ځکه د انسان، ژوی او نبات په حقتلفۍ د هرې ديني او
دنيوي چارو پرمخ وړل شيطاني طرح ده.
No comments:
Post a Comment