لیکوال:محمدناصر حلیمي
۶.
نه نغوته (غوږ نه نیول)
ښو ويناوو ته غوږ نه
نيول بې شمېره زیانونه لري، موږ یې یو څو لاملونه وړاندې کوو:
1. استکبار: د الله تعالی انسانانو، دښتو، میرو، غرونو، ځنګلونو او حیواناتو،
حق تروړنه. د انسانانو فزیکي، عقلي او روحي ځواکونو ځپل
یا یې توازن له منځه وړل په فردي او اجتماعي بڼه د حقتلفۍ لپاره کارېده.
2. سامرا: د سُمَّارا مفرد دی، دوی شپې په غرور، اکاړو او بې ارزښته چارو تېروي.
سمر د سپوږمۍ رڼا ته ویل کېږي، د مکې
مشرکینو به د سپوږمۍ په رڼا کې شپې د تروړنې او تيري په خبرو اترو رڼولې.[1] لکه افغانانو تېره
تاريخچه پېتاوي ته کېناستلو تاريخچه ده چې نتيجه يې اوسني نسل ته ناورينونه، فسادونه،
ظلمونه، اوښکې، وينې او آهونه دي.
3.
شپه د دې لپاره ده: چې په قرآن کریم کې غور او دقت
وشي، د ټولنیزو ستونزو د حل لپاره ترې لارښوونې او هدایات را وایستل شي او ټولنه د علم له مخې د عدالت په لور د سوکاله او هوسا ژوند لپاره روانه شي.
4. شپه د دې لپاره ده: چې له خپل مسلک،
وړتیا او ژمنو سره په تړاو او ژمنو د ادا په موخه
مطالعه کړئ، که هر مسلمان د شپې لخوا (١٠٠) مخه مطالعه ولري، خپلې ستونزې رژولى او
د نړۍ د بحران مخه نيولاى شي، ديني عالم، ډاکټر، انجنير، کرنپوه، ښوونکى، استاد، څېړونکى او.. مسلکي مطالعه ولري، د
پلار د ښه پلارتوب، مور د ښه مورتوب، زوى د ښې زویولۍ، مشر د
ښه مشرتوب، مدير د ښې سمبالنې، لارښود د ښه رهبريت په اړه بايد د شپې لږ تر لږه سل
مخه مطالعه وکړي، بيا ستونزې رژېداى او بحران مهارېداى شي، هغه مسلکي او مسوول چې نوى مطالعه نه لري او کار کوي، د خپل مسلک
او مسوليت په اړه خاين او په مسلکي
او مسوولانه جنايت کې ښکېل دى.
No comments:
Post a Comment