۲- اهل القرآن

 لیکوال:محمدناصر حلیمي

۲- اهل القرآن

اهل القرآن اهل الله دي، څومره چې يو انسان قرآنپوه او د قرآن عملي کوونکی وي، هومره الله ته نږدې وي.

عَنْ أَنَسِ بْنِ مَالِكٍ قَالَ قَالَ رَسُولُ اللَّهِ -صلى الله عليه وسلم- « إِنَّ لِلَّهِ أَهْلِينَ مِنَ النَّاسِ ». قَالُوا يَا رَسُولَ اللَّهِ مَنْ هُمْ قَالَ « هُمْ أَهْلُ الْقُرْآنِ أَهْلُ اللَّهِ وَخَاصَّتُهُ ».[1]

(أَنَس بْنِ مَالِك نه روایت دی چې رَسُولُ اللَّه صلى الله عليه وسلم وویل: الله تعالی په خلکو کې د کور غړي لري، هغوی وویل: څوک دي ای د الله رسوله! وویل: اهل القرآن د الله خاص او د کور غړي دي).

ملا علي قاري رحمه الله وايي: « دَلَّ عَلَى أَنَّ مَنْ قَرَأَ وَلَمْ يَعْمَلْ بِهِ لَمْ يَكُنْ مِنْ أَهْلِ الْقُرْآنِ وَلَا يَكُونُ شَفِيعًا لَهُمْ بَلْ يَكُونُ الْقُرْآنُ حُجَّةً عَلَيْهِمْ». [2]

(يعنې چا چې قرآن ولوست او عمل یې پرې ونکړ، یواځې په لوستو (أَهْلِ الْقُرْآنِ) نه دی، قرآن د بې عمله سپارښتنه په اخرت کې نه کوي، د قرآن بې عمله زده کړه به یې د ګناه دلیل وي).

ابن قيم رحمه الله وايي: «أَهْلُ الْقُرْآنِ هُمُ الْعَالِمُونَ بِهِ، وَالْعَامِلُونَ بِمَا فِيهِ، وَإِنْ لَمْ يَحْفَظُوهُ عَنْ ظَهْرِ قَلْبٍ.وَأَمَّا مَنْ حَفِظَهُ وَلَمْ يَفْهَمْهُ وَلَمْ يَعْمَلْ بِمَا فِيهِ، فَلَيْسَ مِنْ أَهْلِهِ وَإِنْ أَقَامَ حُرُوفَهُ إِقَامَةَ السَّهْمِ». [3]

( اهل القرآن هغه دی چې پر قرآن ځان پوه او عملي یې کړي، که څه هم په یادو یې یاد نکړي او چا چې قرآن په یادو یاد کړ، ځان يې پرې پوه نکړ او عملي نکړ، دې ته اهل القرآن نه وايي که څه هم غشي غوندې یې سم ولولي).

---

[1]. القزويني ، ابن ماجة أبو عبد الله محمد بن يزيد يني، وماجة اسم أبيه يزيد ، سنن ابن ماجه ج 1 ، ص 259.

[2]. ملا علي قاري الهروي ، بن (سلطان) محمد ، أبو الحسن نور الدين ، مرقاة المفاتيح شرح مشكاة المصابيح ج 4 ، ص 1461.

[3]. ابن قيم الجوزية محمد بن أبي بكر بن أيوب بن سعد شمس الدين زاد المعاد في هدي خير العباد ج 1 ص 327.