لیکوال:محمدناصر حلیمي

۲.           سياسي هدايت

 کورنی عامه نظم، بهرني دوستانه تړونونه او اړيکې د اجتماعي ګټو او وګړيزې پرمختیا پر بنسټ چې د خپل ولس د پلورلو او د نورو ولسونو د پېرلو اراده ونه لري، د انسانپالنې، رڼې حکومتولۍ او ملتپالنې روحیه په ولس او چارواکو کې پیاوړې وي، د خلکو لخوا حکومت پالنه او د حکومت له خوا وګړ پالنه رامنځته کول، چې د خپلسرۍ، ښکیلاک او استبداد ولچکونه مات وي، هېڅوک د هېچا د مريېنې حق ونه لري او نه چا ته د مريي کېدنې پړه.

په قرآن کریم او نبوي احادیثو کې چې د سیاسي ثبات او امنیتي استحکام لپاره ډېر آیتونه او ډير احادیث لرو چې مسلکي او میداني تشرېح ته اړتیا لري د علومو اکاډیمۍ او پوهنتونونه د دې آیتونو او نبوي احادیثو پر تشریح ژمن دي.

موږ ته ډېرې سترې ستونزې بېکاره او خوله ور سیاستوال را ولاړې کړي دي، باید د اسلامي امت محدثین، مفسرین او فقهاء له فرعي موضوعګانو نه لاس واخلي په سیاسي علومو کې تخصص او تعهد لپاره قرآني آیتونه او نبوي احادیث د تطبیقي طرحې او منتجو چارو پر بنسټ عالمانه تشرېح کړي.

متاسفانه موږ د سیاست په اړه د راغلو آیتونو او نبوي احادیثو میداني تشرېح او توضېح لپاره څه نلرو.