قرآني خبرې او ستر شخصيتونه

 لیکوال:محمدناصر حلیمي

قرآني خبرې او ستر شخصيتونه

سترو شخصیتونو ته تر قرآن کریم ښایسته خبرې نشته، هر عاقل انسان چې د محمدﷺ د خوږو او خوږ بویه خبرو له بېساري ښایست، خوند او حیرانوونکې ښکلا څخه خبر وي، دا مني چې د بشريت په تاریخ کې تر رسول الله صَلَّى اللَّهُ عَلَيْهِ وَسَلَّم ګټورې، زړه را ښکونکې او خوږې خبرې هېچا نه دي کړي ؛ الله تعالی ورته وايي، چې قرآن کریم تر نبوي مرغلرو او پېغمبري ګلپاڼو ډېرې ګټورې، خوږې او ښایسته
خبرې لري.

ستاسې عقل، روح او روان ترې داسې خړوبېږي چې د انساني چارو د تر سرنې تنده درکې زیاتوي او د اجرا پیاوړې هڅه، لوړ همت او ګټوره برنامه درکې روزي. د پیل او پای ټکي در په ګوته کوي. مخې ته د پرتو خنډونو د هوارۍ لارښوونه او روزنه درکوي.

اصحاب کرام ستومانه شول، رسول الله صَلَّى اللَّهُ عَلَيْهِ وَسَلَّم ته يې وويل: موږ ته خبرې وکړه! الله تعالی دغه آيت نازل کړ:

«اللَّهُ نَزَّلَ أَحْسَنَ الْحَدِيثِ كِتَابًا مُتَشَابِهًا مَثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَى ذِكْرِ الله ذَلِكَ هُدَى الله يَهْدِي بِهِ مَنْ يَشَاءُ وَمَنْ يُضْلِلِ الله فَمَا لَهُ مِنْ هَادٍ (٢٣)».

الانفال: ۲۳.

(الله تعالی تر هر چا ډېره ښایسته خبره نازله کړې ده، متشابه([1]) او مثاني([2]) کتاب چې له خپل رب نه د وېرېدونکو پوټکي رپیږي، بیايي پوستکي د الله تعالی په یاد نرمېږي. دا کتاب د الله تعالی لارښود کتاب دی، چا ته چې الله تعالی وغواړي هدايت کوي او چې الله تعالی څوک بېلارې کړي نو هېڅ لارښود يې نشته).

د انسانانو روزنه باید همداسې وي، چې تر ټولو خبرو له قرآن کریم نه ډېر خوند او ډېر پند واخلي.

همدا لامل دی چې د سلګونو مسلمانانو سترو پوهانو د ژوند اخرنی آرمان دا دی چې: آی کاش! چې ټول ژوند مې قرآن ته ورکړای وای.

---

[1]. متشابه: سره ورته په معنا ، لفظ یا دواړو کې.

[2]. مثاني: بیا بیا لوستل کېدل.