ولې یا لوږه او يا حرام خواره؟

 لیکوال:محمدناصرحلیمي

ولې یا لوږه او يا حرام خواره؟

ولوږه، نيستي، حرامخوري په قرآن او نبوي احاديثو کې رټلي پديدې دي.

نن چې په بشري ټولنو کې فقر پر مورګو آوختې، په سوونو میلیونه وګړي د فقر له امله خپل خوږ ژوند له لاسه ورکوي، مسلمان ځکه الله او انسانانو ته پړ دی چې فقر له منځه وړونکی کتاب له مسلمان سره په کتابونو، خپلمنځي شخړو او ناپوهیو کې
بندي دی.

قرآن د کايناتو يادونه په داسې بڼه کوي، چې د انسان عقلي، جسمي، روحي، رواني ځواکونه ژمنوي چې علمي وده به ورکوي، کار به ترې اخلي، د روزلو او پاللو دنده یې لري.

نن چې تر نورو ولسونو زيات حرام خواره او د نورو دسترخوانونو ته اړ صنعتي، زراعتي، اجتماعي، اقتصادي، صحي او تعلیمي سیستمونه لرو، ولس ډېر لرو د (خيرالناس انفعهم للناس) له قانون نه بهر اوسو، له قرآن، پېغمبر او الله تعالی سره مو د پېژندنې کچه، د ميراث، انګېرنو او احساساتو تر بريده ده، لامل يې په بشري، اجتماعي او طبیعي علومو کې نه څېړنه ده.