لیکوال:محمدناصرحلیمي
په لویدیځ کې د آيتونو څېړنه
په لويديځ
کې هم د طبيعت او انساني ټولنې په اړه ډېر رازونه په صادقانه او معياري بڼه وڅېړل شول متأسفانه چې دا مهال د اسلام حقيقي
مفاهيم په کتابونو کې بندي وو او لاتر اوسه پکې بند برېښي همدغه تشه د دې
لامل شوه، چې دوی پر واقعيتونو ولاړ علم له هغه رښتني دين څخه جلا کړ، چې يو له بل
سره نه شلېدونکی تړاو لري او لا تر اوسه په دې اساس هلته علمي څېړنې کېږي که
مسلمانانو مخلوق څېړنه پخپل وخت کې د يوه ديني رسالت په توګه عالمانه او عادلانه کړې واى، دې زيانمن نظر به هېڅکله انساني ټولنې
ته لار نه وه پيدا کړې، نه به مسلمانان د ذلت دومره ژور ګړنګ ته پرېوتي واى او نه
به د اسلامي هېوادونو لمن دومره لنډه او تنګه وای، چې د پېړیو پېړیو خواریو په
ګاللو هم پرې د ازادۍ او پرمختګ لمر څیره ونه وهله که يو څه شته، هغه هم د سترې، خطرناکې،
زيان ګالنې په بدل کې، موږ د سلو افغانیو په تاوان (۰، ۰۰۰۰۰۰۱ ) افغانۍ
ګټه هم نه ده کړې ؛ بلکې ستر او نه جبرانېدونکې زيانونه مو د ژوندانه هر ډګر کې
کړي دي، متاسفانه خوله ور او ناپوه قيادتونه
له موږ سره حقايق نه شريکوي او تل په کاذبو لفاظیو[1] سره مو په درواغجنه
بڼه تسکینوي سپين تور او تور، سپين بريښوي د حقونو د ادا او حقائقو د روڼتيا پر
محور موږ سره څه نشي شریکولای.
No comments:
Post a Comment