لیکوال:محمدناصرحلیمي
په نړۍ کې طبیعت څېړنه د اسلام د رښتینولۍ سند
په تېره پېړۍ
کې د اسلام پر ضد د مسلمانانو پرېوتى، بېکاره، بې
نظمه او بې انتظامه ژوند ته په کتو پراخه ډنډوره وشوه، چې د اسلام سعادت تضمینوونکی
دین یې خلکو ته د اوهامو، خرافاتو، استثمارګرو کړیو، ټولنځپونکى، ولس زبېښونکی دین
ور وپېژاند، متأسفانه په سوونو میلیونو خلکو دغه ستر دراوغ ومنل.
اما په نړۍ کې د طبيعت څېړنه د قرآن کریم د
حقانيت د اثبات لپاره يو منل شوى سند او د پورته پروپاګند لپاره کافي ځواب شو.
ځينو ته چې ديني حقايق ورسېدل، په هغوی کې داسې کسان هم پيدا شول، چې د علم او ايمان
ترمنځ په تړاو قايل شول تردې چې د انشټاين د هماغې يادې شوې خبرې
غوندې چې: «ايمان د علمي څېړنو محصول
دی بې علمه ايمان داسې دی، لکه شل، بې ايمانه علمي پلټنه،
په ړندو سترګو پلټنه
ده».
استاد
موریس بوکای[1] وايي: (له پخواني نظر پرته مې قرآن کریم په څېړنېزه بڼه ولوست او
په بشپړه توګه راته جوته شوه چې قرآن کریم له ټولو علمي غوښتنو سره سمون خوري. دا
مې جوته کړه چې په قرآن کریم کې داسې خبره نشته، چې څوک پرې د اوسنیو علومو په رڼا
کې نیوکه وکړای شي). [2]
دې ته
ورته د طبیعي علومو د نابغه متخصصینو لخوا له سلګونو کلو
راهیسي زرګونه اعترافات په علني بڼه اعلان شوي دي چې دغه څېړنې د سلګونو آيتونو او
زرګونو احادیثو لپاره عملي ثبوت شو.
[1]. د. موريس بوكايMaurice Bucaille: نوماند فرانسوي طبيب
عالم دي ، يو شهكار علمي اثر يې (قرآن كريم ، توراة ، انجيل او علم) چې د نړۍ ډېر
پوهان یې په لوستو مسلمانان شول ، د مسلمانېدو لامل یې دا و چې د فرعون پر جسد یې
علمي څېړنه کوله چې د سمندر رسوبي نښې يې پکې ولېدې او ویې وویل ، چې دا خو په
سمندر کې ډوب شوی او مړ شوی دی ، کله چې خبر شو چې په قرآن کې د دې خبرې یادونه
شوې ده ، مسلمان شو او ويې ویل: دا خبره بې له الله تعالی پرته بل څوک له څېړنې او
علمي پلټنې پرته نشي کولای.
[2]. خلیل ، عماد الدين ، ماذا
قالوا عن القرآن ، ص 2.
No comments:
Post a Comment