لیکوال:محمدناصرحلیمي
د کايناتو څېړنه او الحاد
يوه
پوښتنه ذهن ته راغله، چې ولې د دې آيتونو په موجوديت کې د الحاد نظریه د هغو
پوهانو له لارې دود شوه، چې په همدې طبيعت کې یې سوچ وکړ په داسې حال کې چې په
طبیعت کې سوچ کول د الله تعالی د نومونو، صفتونو او حکمتونو پېژندنې، اثبات او له
الله تعالی سره د رښتینې پېژندګلوۍ ذريعه ده.
په داسې حال کې په کايناتو کې له سوچ او فکر نه ګټه نه اخستل
الحاد ته لار هوارول دي. داروين د طبيعت او مارکس د اجتماعي علومو د څېړنې له لارې
په الحاد ټينګار او استدلال کوي، بيا تش ذهنه انسانان له يوې بې لارۍ څخه بلې ته
ننه باسي؟ او بيا ولې يې د همدې کاذب استدلال له لارې میلیونونه خلک يې له يوه انحرافه و ایستل، د انحراف بل ژورګړنګ کې يې وپرځول؟ احساسات يې دومره وځپل او دې ته يې چمتو کړل چې
خپل ورور په ژوندوني تر خاورو لاندې ښخ کړي.[1]
پوښتنه دا ده، چې د دوی د نظرياتو له لوستونکو
سره کومه عقلي او عاطفي تنده وه، چې موږ مسلمانانو په اسلام نشوه خړوبولای؟ خو دوی
خړوب کړه، ليدلې او ازمېیلې لار يې پرېښوده او په نالېدلې لار لاړل، لامل يې د مسلمانانو له لارې د کایناتو او
ټولنيزو پديدو، نه څېړنه او د الله تعالی د نورو مخلوقاتو د حقونو او خپلو ژمنو په اړه بې
پروايي، تمبلي او بې هدفي ده.
[1]. د کمیونیزم د موخو چار
د ښې پېژندنې لپاره لاندې کتابونه ولولئ! د ګورباچوف خاطرات ، خاطرات اقابکف او
داسې نور کتابونه.
No comments:
Post a Comment