لیکوال:محمدناصرحلیمي
د لویدیځوالو پرځای مسلمانان د کمونېزم ښکار شول
کمیونیزم بيا ولې تر لويدیزې نړۍ زیات په مسلمان مېشته
ختيزه نړۍ کې ډېر پلويان وموندل، په داسې حال کې چې دلته مسلمانان هم وو، قرآن
کریم هم په پوښونو کې نغښتي و؟
علت يې دا و، چې په غربي نړۍ کې طبيعت، ټولنه
او بشري منابع تر څېړنې لاندې نیول شوي وو. غربي نړۍ د طبيعت په اړه په زرګونو
پوهنتونونه، څېړنتونونه او لابراتوارونه لري ؛ خو موږ هېڅ د طبيعت، بشر او ټولنې
څېړنه د طبيعت، بشر او ټولنې د پيداکوونکي د عظمت او حکمت د پېژندلو اسانه په زړه پورې او ګټوره لار ده.
همدا علت دى، چې عالمان کايناتو ته مشهود قرآن
وايي په دې مشهود([1]) قرآن کې په غور مکلف قوم د خپل مکلفيت له نه
پېژندلو او نه ترسرولو سره د انسانيت بېړۍ د شيطان د ياغي څپو په لېونیو زخمو([2]) کې ښکېل کړه.
انسان پيدا کوونکى ذات رحمان دى، داسې هوښيار، هوډمن او پاک
خلک يې پيدا کړل، چې د کايناتو په سردرو د انسان د
وجود په ذرو او ځانګړنو کې يې د الله تعالی د عظمت او حکمت نښې او د
ګټي اخستنې لارې چارې د علمي څېړنو له لارې را برسېره کړې
او نړېوالو ته ور وښودې.
په ختیځ او لویدیځ کې چې څومره څېړنې شوې دي، لږه برخه يې
ما په ډېر تعجب سره ولوسته. دوی د څېړنو له لارې هغه څه ته رسېدلي دي، چې قرآن
کریم او حدیث په سوونو کلونه مخکې درلودل.
د کمونېزم،
امپريالېزم اوبې دینۍ په غېږ کې زرګونه روزل شوي نوابغ، چې د اسلام ستره پانګه ده
د کایناتو د څېړنې له لارې مسلمانان شول.
اسلامي
هېوادونه، چې د کايناتو څېړنه او د اجتماعي اصولو سپړنه پکې نه وه، سرشاره وړتياوې
بې دينه شوې.
زموږه دنده ټولنڅېړنه او طبیعت سپړنه ده، نه مذهبي ناندرۍ، ګوندي سيالۍ، قومي، ژبني او سيمه يزې
تربګنۍ.
که
مسلمانانو طبيعت څېړلى واى، په وړو مذهبي اختلافاتو او ګوندي تعصباتو کې نه واى بوخت شوی، جاهلو او ناپوهو
واکمنانو ته د واک چلونې مخه پېړۍ پېړۍ نه
هوارېده.
نن به
اسلام او د نړۍ نور دينونه دومره نه واى ځپل شوي او نه به چا دا جرأت کولاى شو، چې
مؤمنو ديندارو خلکو ته د وروسته پاتې والي او له دين نه بې خبرو ته روڼ اندي
ووايي:"له ما ده، چې پر ما ده".
دیني پوهانو
به خلک د کایناتو څېړنې او ځیرنې ته هڅول.
امام حسن
البصري رحمه الله چې یو زاهد، عابد او آخرت پال انسان و، ویل: یو ساعت فکر کول تر
اویا کلن عبادت غوره دی.
د همدغو
پوهانو د ويناوو په برکت مسلمانان د علم لوړو څوکو ته ورسېدل. د
همدغو علماوو هڅونه وه، چې بشريت، نړۍ او کایناتو ته یې انساني ذهنونه ځيرکړل او
هغسې پنځونې يې وکړې چې تر اوسه یې بشريت له خیر او برکته برخمن دی.
اوس هم د
نجات لار همدا ده چې مسلمانان د کایناتو د حقایقو د راسپړنې او د حقونو د ادایېنې
مسؤولیت ادا او خپله انساني ژمنه د بشريت د اړتياوو او وړتياوو په اړه په کره بڼه
ترسره کړي.
[1]. درې ډوله قرآن لرو: ١.
متلو (تلاوت کېدونکى) قرآن ، چې همدغه قرآن دى. ٢. ساکت قرآن ، چې مرګ دى. ۳.
مشهود قرآن ، چې کاينات دي.
کايناتو ته ځکه مشهود قرآن وايي ، چې څېړنه ، سپړنه
او پوهېدنه يې د الله تعالی له ذات ، صفاتو او نومونو سره تړي ، د الهي احکامو د تطبيق
مادي او معنوي ګټې جوتوي او مرګ ته ځکه ساکت قرآن وايي ، چې مرګ عاقل انسان د الهي
احکامو تطبيق ، الهي او بشري حقونو ادا ته چمتو کوي.
[2]. ګرداب ، غوړومبۍ.
No comments:
Post a Comment