له قرآن سره ستره جفا

 لیکوال:محمدناصرحلیمي

له قرآن سره ستره جفا

خو له قرآن کریم سره مو دا جفا وکړه، چې د طبيعت، اجتماع او کايناتو په اسرارو مو غور او څېړنه ونه کړه اسماني وحې د تاريخ په اوږدو کې له موږ سره دننه په کتابونو کې بندۍ وه او ده، بالآخره نور خلک راپاڅېدل او د الهي احکامو په غياب کې يې د طبيعت په رازونو بشري وړتياوو، ټولنيزو جوړښتونو او اسرارو کې سوچ او فکر وکړ.

په سالمو فطرتونو کې د قرآني غوښتنو هڅه نغښتې ده، هېڅ داسې یوه بشري اختراع او ابتکار څوک نشي ښودلای، چې د قرآني لارښوونو یو ټوکېدلی ګل نه وي، که مؤمن په دې هڅو کې مثبت نقش ونه لري، نا مسلمان به بيا د نړۍ حقایق را سپړي، پټ رازونه څېړي، حقايق را برسېره کوي او نړۍ ته یې وړاندې کوي.