لیکوال:محمدناصرحلیمي
د قرآني روزنې د علو (هسکوالي) نښې
قرآن په انسان کې د یوسف د پاکلمنۍ او د هېوادونو په کچه د
اقتصادي بحرانونو د مخنیوي هسکه روحیه پالي. قرآن په
انسان کې د خلکو د خوارولو او ځان
شتمنولو پرځای د ولس د شتمنولو روحیه پالي. قرآن انسان تجارتي، حکومتي او اداري
سیستمونو لپاره علمي لوړتیا او عملي
پياوړتیا ته
ځيروي، چمتو کوي او ژمنوي.
قرآن شاګردانو ته د ژوند پرمختیاوې توضیح، تشریح او د ستونزو حل لارې په
هسکه کچه کې ور په ګوته کوي.
کله چې د حلال رزق خبره کوو، باید پخپله ټولنه کې یې روا
مدارک د قرآن کریم زده کوونکيو ته هم ور په ګوته کړو. قرآن لوستی لږ تر لږه تر جاپاني ځوانانو د حلال رزق په ګټلو کې پياوړي وي.
هغه خلک ورته د اجتماعي اعتبار له پلوه بې اعتباره او سپک
ښکاره کړو چې له منصبونو يې ناوړه ګټه کړې او خپل وجود ته يې ناپاکه مال ورننه
ایست. د زرګونو بې وزلو خلکو د لوږې، تندې، خوار ځواکۍ او بې کورۍ پړه یې پر غاړه وي، ځان يې قانون او شریعت
ته پړ کړى وي.
د قرآن کریم زده کوونکي ته دا وروښودل شي، چې
حلال کار و بار معنا څه؟ څه ډول لاس ته راځي؟ څه ډول روزل کېږي؟
په لګښت کې يې کوم معیارونه په پام کې نیول
کېږي؟ او حلال رزق ته په عملي بڼه د خلکو بلنه او روزنه څه ډول کېدای شي!؟ همدا
راز د ایثار[1]داسې مرحلې ته ورسول شي، چې خپله شخصي ګټه د ټولنېزې ګټې ذريعه کړي او د ځان شتمنولو پرځای د ټولنې او عامو
خلکو د شتمنولو روحیه په ځان کې وروزي.
او هغه د خوشحال بابا خبره:
|
وګړي
واړه کارونه خپل کا |
مردان
هغه دي چې کار د بل کا |
او د حمزه په وینا:
|
زه
دې وچ هډوکی شپېلم |
خو
ملت مې دې سلطان وي |
متاسفانه، مونږ داسې مشروټان هم پخپل ژوند کې
وليدل، چې ددوى ضميرونه ويل او اعمال يې ثابتول، چې د ملت هډوکي وشپېلول شي، خو چې زه او زما راتلونکي نسلونه ميلونران
وي.
او د رحمن بابا وينا ده چې:
|
هغه
زړه به له طوفانه په امان وي |
چې
کښتۍ غوندې د خلکو بار بردار شي |
قرآنپوه بايد د ټیټو او پرېوتو چارو او حق خورو چارواکو له
ویناوو، اندونو به ځان ژغوري، چې هېڅکله په هېڅ قیمت د هېڅ شتمن او هېڅ واکمن د
لاس آله او لاسپوڅى ونه ګرځي.
حرامخواره او ککړ
سياستوال تل ساده زړي او سپين لمني قراپوهان د ځان ستاينې لپاره پېري.
No comments:
Post a Comment