لیکوال:محمدناصر حلیمي
ناپوهي
کله چې د عقل ډيوه مړه شي، بشري عواطف په تورو سکروټو
بدلېږي، داسې ولسونه په ژبني، قومي، مذهبي... تعصباتو کې وريتېږي، که د يو ملت نجات
او بقا غواړو بايد له نطفې تر اتلس کلنۍ پر تطبیقي
پوهه او تولیدي لوړو زده کړو پراخه
پانګونه وکړو.
«وَطُبِعَ عَلَى قُلُوبِهِمْ فَهُمْ لَا
يَفْقَهُونَ”.[1]
(او د دوی زړونه مهر شوي دي او سم
نه پوهېږي).
فقه هغه ژوره پوهه ده چې د عقل په
ملتيایې له عواطفو سرچينه اخستې وي او ګټوره پایله ولري.
«وَطَبَعَ الله عَلَى
قُلُوبِهِمْ فَهُمْ لَا يَعْلَمُونَ”.[2]
(الله د دوى زړونه مهرکړي دي، ځکه چې دوى نه پوهېږي).
علم هغه پوهه ده، چې د انسان سلوک
لا ښه او د طبیعت بڼه ګټوره او
ښاېسته کړي.
الله تعالی د دوی زړونه د دې لپاره
مهر کړل، چې د نورو پر حقونو يې
ملنډې وهلې.
«كَذَلِكَ نَطْبَعُ
عَلَى قُلُوبِ الْمُعْتَدِينَ»[3].
(همداراز د تېريګرو پر زړونو مهر
لګوو).
اعتداء د مخلوقاتو د حقونو تروړنې ته وايي.
No comments:
Post a Comment